السلام عليكم
اسرد لكم هاي القصة اللي مستوية فربيعتي
كانت ربيعتي متعرفة على واحد ويحبون بعض حب مثالي بس في يوم من الايام ربيع ربيعها خذ تلفونه وشل رقم البنية اللي متعرف عليها وبعد يومين تقريبا دق لها وهي ما تعرف انه ربيع الولد اللي ترمسه وهو بعد ما يعرف ان ربيعه يكلمها والحين هي اللي استوت الضحية وفي يوم من الايام وبعد ما اشتدت العلاقة امبينهم قاللها ابا اشوفج وتواعدوا واليوم الثاني اتجابلو ويوم رد الولد خبر ربيعه اللي متعرف على البنت انه هو تواعد ويا وحدة اسمها (....) ورقمها (....) الولد ما صدق انهار نفسيا ورد وكلمها وقالها اعتبري كل اللي بينا انتهى وانا حاولت اردهم لبعض وربيعتي ندمانة على اللي سوته وياه بس بعد اسبوعين رد الولد حق ربيعتي بس مو مثل قبل وكان يكلمها لمدة يومين وفجأة انقطعت علاقته من البنت وهي تقوللي دقيله وجوفي شو بلاه ما يرد علي وانا احاول بس بدون فايدة وهي ادقله من ارقام غريبة ويرد بس اول ما يسمع صوتها يبند وهي اسبوعين حالتها النفسية تعبانة وانا احاول اهديهامن كثر ما عذبها بعدين انقطعت اتصالاتها منه وهو بعد استوى ما يتصل ولا يسأل عنها وفي يوم من الايام رد دقلها ربيع الولد اللي ظهرت وياه وهي تكلمه من دون خاطر وتقولله ليش جي تسوي فينا حرام عليك تخرب امبينا بس هو والعياذ بالله شرات الشيطان ما يلاقي اثنين يحبون بعض الا ويخرب بينهم وبعد شهر من هالقطعة ربيعتي اتصلت حق ربيعها الاولاني وقالتله انها تحبه وما تروم تفارقه وهو قالها انا اذا استمريت وياج بستمر على اساس انا اصدقاء فقط لا اكثر ولا اقل وهي تقولله لا دخييلك لال انا احبك وما روم اكلمك وانت ربيعي بس هو ما يفاوق وبعد يومين الولد سافر وهي ما مصدقة تقول ما يسافر ويخليني بس هو فهمها انه بيسافر ثلاث ايام وبيردوهي تترياه وبعدين تاخر وما رد بس اتصل لها ربيعه واحد ثاني وهي مصممه بس على اساس انه يحس بالغيرة ويرد لها بس قدر الله هالولد انسجن لانه سوى حادث سير ( الله يحفظكم ) وسجنه شهرين وبعدين رد ربيعها الاولاني من السفر واستوى يكلمها على اساس انها صديقته بس وهي تكلمه على اساس انه حبيبها وهي دايما تقوله المحبة من طرف واحد عذب بس هي خلاص تحاول تنساه وتحاول بعد انه يكون ربيعها وهو يدقلها من فترة لفترة عشان يشوف اخبارها
خذوا هالقصة عبرة والله يخلي كل حبيب لحبيبته وفي امان الله
...منقووووول:w4:
السبت مارس 08, 2008 5:40 am
