اصعب موقف ----> طير من طيور الجنه ياروحي .

الموت حقـ ..


والا ما يي ليوم اللي نموت فيه.. بس ناس تموت دفتر اعمالها من الحسنات والسيئات فاااضى وصااافي ...

وفيه ناااس الله العالم بحسناتهم وسيئاتهم


من منا ما يفكر بهاليومـ .. من منا كل ما مات شخص يعرفه ولا ما يعرفه يتاثر وبالاخص كيف مات هالشخص

ناشيت الصبح وانا مويهه صوب دوامي ف العياده ومستانسه لانه اول اسبوع لي وفيه كسسسسسل فظيع من السهر والخوف في نفس الوقت من انك تكتب او تسوي شئ غلط ف شغلك .. .,,


اول يوم وكان كله ضحك وسوالف ع المراجعين والمرضى اللي يشكي من قوانين واللي مستعيل واللي مريض والدكاتره كل شوي من كتب هاا ومن سوا اها وكله يطيح ع راسي ,,,,, الخ


عكس هاليوم حادث فضيع ماثر فيني واايد واللهـ ..

بعد الساعه 12 تقريبا ... انا وكم موظفه يالسين ونسولف ف الرسبشنـ ..
شوي نسمع صوت هرن سيارهـ .. اول شئ خطر ف بالنا انه زهبه لانه فيه خيمه قريبا من العياده


شوي نسمع صوت من بعيد بسرعه حالة طواري ونشوف الدكاتره يربعون من كل صوب والمرضات .. وقفت اشوف واتريا حد يدخل من باب العياده اقول ف خاطري شو السالفه ..

وليتني ما شفت اخوا شال اخوه وهو يقطر دم والولد لا حركه ولا حتى صياح ولا اي شئ ياغير اشوف عيون مسكره والدم ع كندوره اخوه الكبير والطفل بلبسه وجوتيه وراسه ماينشاف من الدم ما اكذب عليكم اذا حسيت انه راسه منكسر الي نصيينـ .. مثل لمح البصر

والصدمه روحها ف صوب

اسمع صوت امه تصيح ولدي ولدي
نسالها شو اسم الطفل خالوه

تقول فلان دعمه

انزين شو اسم الطفل

ترد وتقول فلان دعمه وماشئ غيرها

الولد الكبير يسمعها ومتلثم ويهه احمر من الحزن ع اخوه

فتره بسيطه والدكاتره داخل الغرفه والطفل معاهم كل ما يحصلون عرج يحطون الابره بس ماشئ دم .. كل الدم نزف .. اريوله صفر وشفايفه بيضه ماشئ امل يظهرون يقولون للام الولد مات


بعد كم دقيقه تقريبا 3 من اهلهم يوو وابوه بعده ما يي

تقريبا نص ساعه يمكن اكثر يي ابوه و يدش ولده كان يالسه جدامي اقسم بالله جدامي وانا للحين مب منزله ولا دمعه بس متاثره واحس جسمي ثجيل وحراره وكان خاطري ايلس ف الثلاجه وافكر بس ما اعرف ف شو افكر حاسه انيه يالسه ف حلم ولا اشوف فلم مادري الصراحه بشو كنت افكر المهم

الابو يسال ولده وين اخوك الولد ما يرمس الابو بصوت عالي اخوك توفى

يهز راسه ويلس يصيح الابو هو يتكلم بس ما سمعت صوته كانه يوقول لا حول ولا قو الا بالله ويرضى بحكم الله سار صوب ولده ف غرفه الطبيب

شوي نسمع صوته يلس يهد ع ولده لانه هو اللي دعم اخوه وهذا سبب ف الدنيا

بس كل ما يساله ليش ماشف وراءك قبل لا تحرك السياره

الولد ما يرد غير خلاص راح راح راح و يصيح بليا صوت


ليت الزمن يرد وليتني ماشفت هالموقف ولا عشته صعب والله العظيم صعب تشوف ياهل بعده ما كمل 2 ميييييييييييييييييت والدم مغطي ويهه

مات هو طير من طيور الجنه ياربي ...
الله يرحمه

انا يالسه اشوف الاسعاف والشرطه والاهل كلهم ف العيادهـ
يالسه افكر امه زعلته حد زعله شو كان يسوي قبل لا يموت كيف شاف هالياهل الموت بعيونه وكيف وكيف ,,

كلها لحظات من التفكير واشوف جثه ميت ملحفه بابيض والممرض شالنها
ابوه اخوانه خواته امه ويدته اهله كلهم يصيحون ويمشون وراء الجثه
ياربي عليهم..


الا واحد من اخوانه بلحيه وشنب وريال ماشاء الله عليه بس والله العظيم مثل الياهل الصغير اللي يبى شئ واهله ما طاعوا يشترونه له

يشلونه من الارض هو يصيح بغيت اعرف شئ من اللي يقوله ما عرفت
مالقيت بعمري الا انش من مكاني واحط ايدي ع اذني عشان ما اسمع


بعد اقل ساعه شلوا الولد وهله كلهم ساروا و كلنا اللي ف العياده الموظفين مثل اللي صبغ ويوهنا بشئ اسود محد له خاطر يسوي شئ

فتره بسيطه
يابوا .............................................؟؟! بطاقته الصحيه عشان نخلص الاجراءات والصوره يوم كان هو صغير ياقلبي فديت عيونه وصبوعه وبياضه

ويهه منور نور ما تتوقعونهـ .. الدمعه وراء دمعه حتى نقابي كله دموع شو انشف دموعي .. عيوني مثل اليمر احساس فضيع والله العظيم..


وربي حسيت انه هالانسان نخلق طير من طيور الجنه ما عاش ف الدنيا لانه مكانه ف الجنه
الله يرحمك ان شاء الله ويصبر اهلك واخوك ياربي هو يحسه ذنب بس هذا سبب ف الدنيا عشان يموت ..

اللهم لا عتراض ..
ها اليوم ما بنساه طول عمري,, واايد ناس ماتوا

وشفتهم بس مثل هالموقف لا
الله يصبر اهله يارب ويصبر اخوه ...

وما تفيد كله ياليت او لو .. اللهم لاعتراض
والله يعوضهم ف الدنيا ولا ف الاخره,

بليييز دعواتكم واي حد يعرف الميت او يعرف مكانه بليز لا يذكر .,,
انا قلت هالموقف من الضيجه اللي فيني وحزني عليه واحزن موقف صار ف حياتي





منقول^^

؟؟؟؟؟؟؟؟؟؟؟؟؟؟؟؟؟

تسلمين غلايه ع القصه

لا تعليق