بهالزمان ..
اللي نعيشه شي غريب !
الصداقة والمحبة ..
في حياة الفرد منّا
احتوت اكبر نصيب
والعجيب !
نتقن الابداع في صرف الكلام
واجمل ابيات الغرام
تسمع العاشق يقول ..
يا بعَد عمري وروحي
انتي لي بلسم جروحي
انتي اغلى من حياتي
يا سكـَن نفسي وذاتي
ارحمي الخِلّ المولّع
بالمُقابل
تسمع الردّ الملمّع ..
هات يدّك وهاك يدّي
نكتب العهْد الموقع
ما تلاقي بيوم .. صدّي
انتَ عمري انتَ روحي
انتَ اغلى الناس عندي
والحقيقة !؟
فلم هندي
شي مُشابه .. على غِرار
اتقنوا فنّ الحوار
بعدها يمكن بساعة
كل واحد فرّ من خِلّه وباعه !؟
عاف .. عاف
بعد ما حلّ الخِلاف
وين ذاك الفن في نقل المشاعر !؟
وين ذاك الإتلاف !؟
مرّت القصة مرور
لا بشَر لاحظ
ولا مخلوق شاف
والله انه
فلم هندي..!!!
منقول ^^
الأربعاء مارس 12, 2008 5:20 am
